السلام عليكم ورحمه الله وبركاته

مساء الخير <3

معليش طولنا عليكم :$

*التوفي*

الطريقه والمقادير:

كاسين سكر على نار وسط الين يذوب السكر ويسير لونه ذهبي

نضيف عليه قطعة زبده صغيره اقل من الربع , الين يذوب تماماً

تدريجياً نصب علبه نستله نصب ونخلط نصب ونخلط راح ياخذ وقت شوي , نضيف علبه قشطه تدريجيا ونتسمر فالتحريك , فالاخير نضيف علبه كريمه خفق *حجم وسط* ونتسمر فالتحريك

اذا سار بارد نحطه في علب ونستخدمه متى مابغينا في تزيين الكيك او الكوفي مع الكريمه <3

وعليكم بالعافيه

أهلين وسهلين <3

جيناكم بطبخه شتويه ثانيه لذيذذذه <3

قريصات بر 

الطريقه والمقادير:

ثلاثه ارباع كاس مويه , بيضه , فنجال سكر , ملعقه صغيره بزار , حبه سودا , نص ملعقه صغيره بكنج بودر + خميره

كاسين ونص دقيق , فنجال زيت 

نعجنها لين تسير متماسكة وطريه ,

نكورها ونتركها تتخمر نص ساعه 

> انا ماتركتها تتخمر كنت مستعجله عشان كذا مانتفخت :(

بعدين نفردها دوائر ونقليها بزيت مب كثير ولا شوي يعني مايغطيها 

لين تنفتخ ويتغير لونها 

وتقدم مع عسل وجبن 

وبالعافيه <3

مساء / صباح الخير

جبنا لكم اليوم طريقة طبخه شتويه تدفي ولذيييذه ومفيده بعد :$

المصابيب او المصيبيبات <3

:

المقادير والطريقه:

كاس حليب سايل , 3 بيضات , فنجال زيت , فنجال سكر , 3 ملاعق حليب بودرة

ملعقه بزار كبيره , نص ملعقه صغيره بكنج بودر , نص ملعقه صغيره خميره ,كاس دقيق ابيض ,كاس دقيق بر

تخلط فالخلاط وتترك تتخمر من نص ساعه الى ساعه

واذا جينا نصبها على الصاجه نحط على الخليط حبه سودا ونخلطه بالملعقه

اذا حسيناها خفيفه نزيد دقيق واذا حسيناها ثقيله نزيد حليب

:

نحمي الصاجه بس ماتكون حاره مره ونبدا نصبها بشكل دوائر صغار

> انا احطها فابريق الشاهي واصب ارتب :D

اذا بدت تطلع فقاعات نقلبها دقيقه كذا وراح تزين .

نحط فوقها عسل مع ملعقه صغيره سمنه

او بصل محموس مع سمنه وفلفل حار :D

وتقدم مع حليب بالزنجبيل او شاهي :D

وعليكم بالعافيه <3

كآري الدجاج <3

طبخه هنديه لذيذه مره

الطريقه والمقادير :

بصلة كبيره مفرومه .
4 فصوص ثوم مدقوقه .
ملعقه كبيره زنجبيل طازج مبشور .
4 صدور دجاج مقطعه مكعبات .
3 طماطم مقشره و مقطعه مربعات .
ملعتين كبار صلصة .
نص كوب كريمة خفق .
نص كوب ماء دافيء .
ملعقة كزبره مفرومه .

* البهارات : ” مهم مهم مهم ولا ينقص ولا شيء منها والا بيتغير كل الطعم وكلها مقدار ملعقه صغيره “

ملعقة ملح .
ربع ملعقة فلفل اسود .
ملعقتين مليانات بهار الكاري الهندي .
نص ملعقه كركم .
نص ملعقة كمون .
نص ملعقة شطة مجروشه ” يمكن بدالها شطة بودره “.
نص ملعقة كزبره .
نص ملعقة بابريكا .
:

على نار عاليه مره حطي زيت بالقدر و البصل و الثوم و الزنجبيل و احمسيهم زين ,اذا بدا يتغير لون البصل حطي صدور الدجاج وشوحيها لين يتغير لونها وتحسين انها استوت نص استواء ,إذا استوا الدجاج نص استواء حطي فوقه ” الطماطم , الصلصة , و البهارات كلها بعد ماتخلطينها مع بعض مثل ماسويت انا بالصوره ” وحركيها زين لدقيقه,بعدين اذا تسبكت المقادير كلها الحين نحط كريمة الخفق + نص كوب ماء دافيء , وحركي لين يطلع لك اللون الاصفر , حطي الكزبره فوقها و غطي القدر و قصري على النار , لمدة خمس دقايق بس عشان يستوي الدجاج استواء كامل

** الطريقة مقتبسه لكن عدلت فيها شوي**

حطيت مو بس دجاج قسمته لثلاث انواع نوع حطيت دجاج وملون طعام احمر :D

ونوع خضار وكان مره مره لذيذ

ونوع لحم <3 

وسوينا معاه بطاطس مشوي فالفرن وطريقته :

نقطع بطاطس نفس الصوره ونتبله بملح وفلفل ونحط فوقه زيت زيتون واوريقانو ونحطه فالفرن لين يستوي

يتقدم مع رز او خبز وعليكم بالعافيه

صباح الخير والنشاط ~

قهوه المارس <3

:المقادير والطريقه

لكل مارس صغير كوب حليب ورشه شوكلاته بودره ورشه نسكافيه

نخلطهم بالخلاط زين وافضل نقطع المارس صغار قبل خلطه

بعدين نقدر نحفظها للوقت الي نحتاجه بس مب زين تطول يعني يوم يومين وبس .

اذا احتجناها نحميها على النار ونزيدها شوي حليب عشان ماتكون ثقيله :/

واذا حسيتوها تحتاج سكر حطو زي ماتحبون =)) انا ماحط احسها حاليه مره

وبس عليكم بالعافيه

have a nice day =)

السلام عليكم ورحمة الله وبركاته :$

مساء الخير <3 , شخباركم ؟

كل عام وانتو بخير :$ وسنه دراسيه سعيده ان شاء الله :D

بنسوي اليوم حلا لذيذ وخفيف *,*

:

:

المقادير والطريقه:
نسوي كيكه بيتي كروكر زي دايم في صينيه , بس نقلل المويه يعني هم يقولون كاس وربع حطي كاس بس
بعدين اذا زانت نخليها تبرد بعدين نحطها في صحن كبير مع علبه فيلادلفيا ونعجنهم بيدنا لان بالخلاط تسير مره متماسكه مو زين
بعدين نحط ملعقتين نوتيلا ونعجن بعدين نكورها بالحجم اللي حنا نبغا , ونجيب شوكليت مذوب ونغمس طرف العود فيه بعدين نحطه داخل الكور
بعدين ندخلها الفريز عشر دقايق ونكون مجهزين شوكليت في حمام مائي انا حطيت شوكلاته خام من ملتقى الخبازين + شوكلاته كادبوري بعدين نغمس الكور فيها ونحاول نحركها بيدنا بشكل دائري ! يعني نخلي الشوكليت الزايد ينزل عشان يسير شكلها مرتب , عاد اذا حابينها تكون واقفات ثبتوها في فلين او اي شي لين تبرد او سوو زيي حطوه في صينيه التقديم على طول , طبعا الزينه حطوها بسرعه قبل ماتبرد الشوكليت , وعاد زينوه بشرايط او اللي تبون

وعليكم بالعافيه

صباح الخير „

المقادير :

كاس ونص دقيق

ملعقه صغيره بكنج بودر

نص بيالة زيت

-

نفركهم مع بعض بعدين نخلط

كاس الا ربع مويه دافيه نذوب فيه ملعقه خميره وملعقتين حليب وشوي سكر وشوي ملح

اذا ذابو نكبهم على العجينه اللي فوق

ونخلط بعدين نحط طبقه منها في الصحن اللي بنحطه فالفرن

ونحط الحشوه

هنا جدتي الله يطول فعمرها حاطه حشوه  لحم وحاطه جبن

بعدين

ونحط طبقه ثانيه من العجين

بعدين ندخله الفرن همن نحمره

—

وهذي الطبخه برعاية جدتي

وعليكم بالعافيه 

أهلاً وسهلا ..

بنصلح اليوم ثلاث صوصات للشيبس

ممكن تكون مكرره بس كنوع من التغيير ويمكن احد يستفيد :)

المقادير الاساسيه لكل الصوصات =

زبادي - ليمون - ملح - شويه خل

الاضافات=

1- لبنه , صوص رانش <3 , اوريقانو او زعتر صدقي .

2-باربكيا = نوع من البهارات تعطي لون احمر ونكهه خفيفه , نعناع , سماق

3- صوص ثاوزند آيلند <3 , شويه خردل ونكثر الليمون شوي

..

طبعا المقادير ماحددتها بالظبط زي ماتحبون انتو !

وعليكم بالعافيه <3